وامتحانات ....New Year

Happy New Year

عدت سنة 2007 بكل مافيها بحلوها ومرها

وكلها كام ساعه ونستقبل 2008

معظمنا مطحونين و هنستقبل 2008 بالامتحانات .. ربنا معانا ومعاكم :)

.

.

كل اللي هيجي هنا يقول بيتمنى ايه في 2008 ان شاء الله

وهيستقبل 2008 ازاي ؟

... أواخر الشتا

كنا في اواخر الشتا قبل اللي فات

زي اليومين دول عشنا مع بعض حكايات

انا كنت لما احب اتونس معاه

انا كنت باخد بعضي واروحله من سكات

والناس في عز البرد يجروا يستخبوا

وانا كنت بجري واخبي نفسي قوام في قلبه

ولحد لما الليل يليل ببقه جمبه

وافضل في عز البرد وياه بالساعات

على سهوة ليه الدنيا بعد ما عشمتنا

وعيشتنا شوية رجعت موتتنا

والدنيا من يوميها يا قلبي عودتنا

لما بتدي حاجات قوام تاخد حاجات

وسط الشوارع ناس كتيرة مروحين

والناس يا قلبي هم هم وهو فين

وانا ماشيه بتلفت وبسأل كل يوم

بيعمل ايه دلوقتي وبيحلم بمين

والناس في عز البرد يجروا يستخبوا

وانا كنت بجري واخبي نفسي قوام في قلبه

ولحد لما الليل يليل ببقه جمبه

وافضل في عز البرد وياه بالساعات

-----------------------------

كلمات: نادر عبدالله

ألحان: تامر علي

غناء: اليسا

ظاهرة التسول

المتسول المشلول شاهد الشرطة فأطلق ساقيه للريح

جريدة الاخبار 12/12/2007

شهد شارع عماد الدين واقعة غريبة للنصب على الاهالي واستجدائهم والتسول منهم .. جلس عاطل على كرسي متحرك وملابسه ملوثة بالدماء من اثار عملية وهمية ووقفت خلفه شقيقته الكبرى تدفعه بالكرسي وتستدر عطف المارة بأنه اجرى جراحة خطيرة بالاضافة إلى انه عاجز ولا يجد ثمن الدواء .. وعندما شاهد الشرطة قفز من الكرسي ولاذ بالهرب ومن خلفة شقيقته وسط ذهول المارة ؟

ظاهرة التسول ... ليه ؟؟؟

مش هقول انها بقت حاجه زياده عن حدها وبس .. لا دي بقت حاجه فعلا مستفزة بقى العادي جدا انك تمشي في كل شارع متلاقيش اقل من 3 - 4 متسولين(ده كده قليل) ... مننكرش ان ديننا امرنا بالصدقات ومساعدة الفقراء ... ومننكرش كمان ان فيهم ناس بتبقه بجد محتاجةالمساعدة .. انما للاسف النصابين منهم غطوا على الناس اللي محتاجه مساعدة بجد

كتير اوي بقينا بنسمع في الاخبار وبنقرا في الجرايد عن متسول معاه ملايين من التسول واللي عنده عمارات في بلده ومعظمهم بيمثلوا انهم اصحاب عاهات واللي عامل عملية ومش لاقي تمن الدوا زي اخينا اللي مكتوب عنه الخبر اللي فوق

والمستفز اكتر .. في المترو تلاقي الواحد منهم او الواحده طالعين يشحتوا بورق كاتب فيه ظروفة سواء كان هو الوحيد اللي بيصرف على العيله او ان والده مريض وهو اللي بيصرف عليه ومش لاقي تمن الدوا !! .. لا بجد تطوروا .. كرامتهم وجعاهم اوي ومش قادرين يحكوا بنفسهم عن ظروفهم .. طيب ما تمن تصوير الورق تشيله يمكن ينفعك ما دام انت محتاج للنص جنيه او الربع جنيه اوي كده .. والناس اللي بتعمل ذكية وتقف قدام البنوك .. لعل وعسى اي واحد طالع من البنك جيبله قرشين يديلهم قرش صدقه عشان ربنا

!!! يباركله في القرش التاني

المشكلة ان المعلمين الكبار بيعلموا اطفال صغيرين .. اطفال اعمارهم لا تتجاوز 6 او 7 سنين ويكبروا ويتربوا ومفيش في اديهم حاجه غير انهم متسولين فقط لا غير

وتلاقي السيدات منهم بيشحتوا وعلى اديهم اطفال بعمر الشهرين متمرمطين يا عيني (مش السيدات طبعا لا الاطفال) في الحر والبرد طول النهار في الشوارع وتلاقيه اصلا لا ابنها ولا هي تعرفه بس ده لزوم الشغلانه

لو هنقول مفيش شغل وان هم بيعملوا كده لان مفيش حاجه تاني في ايدهم يعملوها لا في .. واللي عاوز يشتغل هيشتغل اي شغلانة شريفه تجيبله حتى قوت يومة على الاقل محافظ على كرامتة بس الناس دي بتحترف التسول .. بيجيب فلوس اكتر من اي شغلانة تانية

!! وشتغلوا ويتعبوا نفسهم ليه .. لما ممكن يبقوا متسولين

------------------------------------------------------

فكرة رائعة عند مهند الباحث عن الحقيقة .. ياريت كلنا نقراها ونشارك في تنفيذها

ويارب الموضوع يطلع للنور

بين الواقع ... والذكريات

تسير وحيده في ذلك الطقس البارد
لا تعلم الى اين تأخذها قدماها ولكنها فقط .. تسير
مرت بذلك المكان .. نعم انه هو ذلك المكان الذي شهد ذكرياتهما معاً
تمر السنين ويبقى ذلك الاحساس بداخلها كلما مرت بذلك المكان .. تقف لوهلة صامتة وهي تنظر اليه
يمر شريط ذكرياتها صورة صورة أمام عينيها ... تراه هنا يمسك بيديها .. وهنا يبتسم لها .. وهنا يخبرها بمدى حبه لها
ولكنها تفيق على انها ... مجرد ذكريات .. فقد تركها وحيدة تحارب ذكراه
تابعت السير ولكن هذه المرة لم تكن وحيده .. فقد صاحبتها دموعها ... تركت دموعها تنهمر حزنا على رحيله

.. لم تشأ ان توقفها بل اعطتها كل الحرية
وجدت قدماها تقودها عودة الى نفس المكان .. هذه المرة لن تقف بعيداً تستعيد الذكريات ولكنها ستدخل .. نعم ستدخل الى ذلك المكان الذي طالما قاومت دخولة حتى لا تراه صدفة ذات مرة .. ولكن هاهي تستجمع قواها وتدخل .. فقد اشتاقت اليه .. لعلها تراه
تستمع الى تلك الموسيقى فيرتجف قلبها بين اضلعها ... هي ذاتها نفس الموسيقى .. لم يتغير شيئا فالمكان كما كان منذ خمس سنوات .. ذهبت لتجلس على نفس الطاولة .. بنفس مكانها المعتاده على الجلوس فيه .. جلست شاردة الذهن تستعيد ماتبقى من شريط الذكريات
:وماهي الا لحظات حتى سمعت ذلك الصوت يقول

بما ان مكاننا مشغول ... تحبي تقعدي فين يا حبيبتي؟ -

هي لن تغفل عن ذلك الصوت الذي طالما اطربت اذناها به .. الذي طالما كانت تنتظر سماعه بلهفة واشتياق
اهو واقع ام بقية شريط الذكريات ؟ اهي تسمع تلك الكلمة " حبيبتي "؟ هل كانت لها؟ .. ام انها تسمعها منه لامرأة اخرى؟
تلتفت لتؤكد بعينيها ماسمعته اذنيها .. فرحت لرؤيتة وتذكرت حين كانت ترقص اضلعها فرحا حين تراه آتيا نحوها .. ولكنها الصدمة حينما رأت من كانت جالسة بجوارة .. نعم تلك الكلمة صدرت منه و كانت لامرأة اخرى .. للحظه تخيلت انه يتحدث اليها .. ولكنه في الواقع يتحدث الى اخرى
عاودت الجلوس الى وضعها والدموع تغمر عينيها ..
حائرة بين ذكرياتها .. والواقع!!!
لم تستطع قول "حبيبي" لاحد سواه
اما هو فقد وجد اخرى ليقول لها " حبيبتي"؟
نهضت راحلة.. تلملم جراحها .. تاركة ورائها كل ذكرياتها مع قطع وعد ان لا تعود الى هذا المكان مرة اخرى .. تعثرت بكرسية

:بنظرة خاطفة الى عينيه قالت له
اسفة -
كانت تتمنى لو اطالت النظر الى عينيه ... كم تتمنى ان يطول الحديث اليه
ولكنها آثرت الرحيل في صمت
نظر اليها
ادرك انها هي ... هي من كان يبحث عنها طوال تلك السنوات .. هي من ندم على فراقها في اشد اللحظات ... انها هي التي تخلى عنها قبل سنوات... هي من لم يستطع نسيانها رغم وجود اخرى .. ولكن اين ذلك الوجه البشوش المفعم بالحيوية والفرح ؟ وهو الآن يرى وجهاً ترك الزمن عليه معالمه .. والحزن ملامحه !!!
وقبل ان يبدأ بالحديث كانت تركض خارج المكان .. نهض عن كرسيه وخرج مسرعاً كي يلحق بها
كي يبدي ندمه على مافعله

كي يرجوها على مسامحته

ولكنها اختفت بين المارة .. تركته زائغ البصر يبحث عنها في يأس محدثا نفسة
.. سامحيني -

يارب تكون اخر مرة بقه

احم احم ..... اعدل الميكرفون يبني

حضرات المستشارين ..

اقصد حضرات الزائرين

ادركت مؤخرا ان المدونة دي نحسسسسسسسسسسسسسس

ايوة نحس متستغربوش كده

كل ما الوحي ينزل عليا واقول بسم الله هبدأ اكتب

لازم يحصل حاجه .. في النت .. في الجهاز .. اي كان المهم انه لازم يحصل حاجه

المرادي كان الهارد كله ... اتحرق يا عيني ومفضلش منه ولا فتفوته

عشرة 4 سنين ضاعو هدر .... صوري وكتاباتي وكل اعمالي الفنية (ال يعني بقه ) ذهبت مع الريح

ايوة سامعة حد من بعييييييييييييييييييييييييد بيعيط ويواسيني

راح الهارد في عز شبابة يا عيني

وانا وحشة وما صنتش العشرة وفي خلال ايام كنت جايبة هارد جديد

المهم

رجعت ويارب تكون اخر مرة غياب

ايوة عوزة اسمع اصوات كتير كده بتقول ورايا يااااااااااااااااااااااارب

كل عام وكلكم بخير

زهقتو من غيابي مش كده؟؟

غبت طول شهر رمضان والمرادي الغياب كان بمزاجي مش غصب عني

قررت التوقف عن الكتابة خلال شهر رمضان

مش عارفه ليه

بس كل اللي اقدر اقولة اني مكنش عندي نفس اكتب حاجه او ابص في شاشة الكمبيوتر اصلا

رجعت النهارده عشان لازم اقلكم كلكم كل سنة وانتوا طيبين

ويارب عيد سعيد علينا وعلى الامة الاسلامية كلها

وتكون ايامكم كلها سعادة واعياد

.

.

.

.

.

.

.

.

.

.
.

.

.

.

ومن الاخر بقة كده

مش عوزين بخل وكل اللي يجي هنا يطلع الكحك والبسكويت والبيتيفور

بلاش غُريبة عشان مبحبهاش

اومال يعني هتيجو وتمشوا كده بأديكم فاضية

ًاحياناً .... واحيانا

.... احياناً بحس اني مش واثقة في نفسي
واحياناً بحس اني مغرورة من كتر ثقتي بنفسي

.... احياناً بحس اني خايفة
واحيانا بحس اني بني ادمة مش طبيعية من كتر ما انا مش خايفه

.... احياناً بحس اني قاسية
واحياناً بحس اني جوايا حنان يملا الدنيا

.... احياناً بحس اني ظلمت
واحياناً بحس اني اتظلمت

.... احيانا بحس اني شجرة صلبة تقدر تقف في وش الريح
واحياناً بحس اني نبته من غير جذور ممكن تطير مع اول ريح

.... احياناً ببقه طموحة جداً
واحياناً بحس اني بلا هدف اصلاً

.... احيانا بحس اني مش انا
واحيانا بقول هو ده فعلا انا

انا رجعت

رجعت بعد المفروض غياب اسبوعين

لكن اذ فجأة تقلص الاسبوعين الى اسبوع واحد بس

معرفش ازاي؟؟ بس سمعت سمع خير انه عشان الدراسة

دراسة؟؟ دراسة ايه يا جدعان ده لسه فاضل عليها مش اقل من اسبوعين

اكتشفت ان الازهر هيبدأ بدري اسبوع عن الدراسة العاديه .. وابن اختي اللي في

KG2

في مدرسة ازهر .. فرجعنا كلنا عشان خاطره

بس كان اسبوع جميل جدا في الساحل الشمالي ويوم في اسكندرية

يوم اسكندرية ده كان حكاية

اول مرة ازور اسكندرية من سنيييييين

اخر مرة زرتها كان من حوالي 10 سنين كده

رغم اني كنت صغيرة بس فاكرة اخر زيارة لاسكندرية دي اوي

حسيت ان كل حاجه زي ماهي متغيرتش .. كل شئ زي ماهو

الصورة زي ماهي مطبوعة في دماغي اخر مرة ... لاقيت اسكندرية عليها

حاجات بسيطة اوي اللي اتغيرت ومنها مكتبة اسكندرية اللي اول مرة اشوفها في حياتي

بجد لاقيتها تحفة

عديت من جمبها وبكل براءة بسأل ايه ده؟؟

لاقيت هجوووم عليا .. ايه ده ازاي متعرفيش؟؟

دي مكتبة اسكندرية

كنت بسمع عنها وبشوفها في التليفزون بس مكنتش متخيلة انها تحفة كده بجد

كان نفسي جدا ادخلها بس قلت مرة تانيه بقه .. عشان الوقت مسمحش

شغلتني اوي مكتبة اسكندرية من يوم ماشفتها واول مارجعت على طول سيرش في جوجل عن مكتبة الاسكندرية

ولاقيت الموقع الرسمي لمدينة الاسكندرية

ولاقيت التعريف بمكتبة الاسكندرية وقريتة سطر سطر

شوقتني اوي لزيارتها واكيد ان شاء الله هزورها في يوم ما

اعتقد بمناسبة الكلام عن مكتبة اسكندرية حتما ولابد نقول شكرا لماما سوزان

ما علينا

المهم اني كنت مفتقدة المدونة جدا وكنت مش عارفه ازاي هسيبها اسبوعين

بس جت من عند ربنا وسبتها اسبوع واحد بس

هغيب اسبوعين

هسافر اقضي اجازة صغيرة

الدموع تغسل العيون .... والقلب ايضاً

واخيرا....نيولوك

بقالي فترة طويله جدا نفسي اعمل نيو لوك للمدونة

كان نفسي جدا اغير اللون الاسود الكئيب .. قعدت اعدل في الالوان ولون وكده على لون كده وبردو بلاقيه كئيب (الكئيب كئيب بقه هنعمل ايه )..كان قرار صعب اوي اني اعمل النيولوك ده خصوصا واني اخدت على شكل البلوج القديم وخلاص اتعودنا على بعض يعني بس كان حتما ولا بد من التغيير .. واخدت القرااااااار

وعملت النيو لوك وكمان مش من القوالب اللي فارضها علينا بلوجر .. وطبعا بما اني مش خبيرة قعدت ادعبس واقلب والخبط في الاكواد وادور ازاي هعمل ايه من الساعه 3 فجرا لحد قبل شويه من دلوقتي اللي هو الساعه 8:17 صباحا وعنتيني خلاص ضاعوا... المهم اني الحمدلله عرفت احط لينكات للمدونات اللي بزورها وشوية اكواد كده عالماشي واكتشفت اني بقيت خبيرة (مش خبيرة اوي يعني احسن حد ياخد فيا مقلب)وطلعت البلوجايه كما هي ظاهرة امامكم حضرات الزائرين

يارب يكون النيو لوك عجبكم واذا معجبكمش قولولي على طول وانا ارجع اللوك القديم حالا ...اصلي بتلكك

بس كده احلى صح ؟؟ ولا مش صح ؟؟

وحشني اللون الاسود :(

هو ايه اللي بيحصل في البلد؟؟

هو ايه اللي بيحصل في البلد ؟

مشاكل كتير اوي فجأة

يمكن المشاكل دي كانت بتحصل من زمان ومحدش بيسمع عنها

بس اشمعنا الايام دي ؟ ليه الايام دي كل واحد قرر انه يتكلم ويعبر عن مشكلته ؟

خلاص الناس معادتش قادرة تسكت .. قرروا ان هم يخرجوا من صمتهم ويتكلموا

بس ياترى بقى موقف الحكومة ايه ؟؟

استحاله تكون واقفه ومربعه ايديهاوبتتفرج بس مش معني كده انها بتحل مشاكل الناس..لا

اكيد بتخطط وبتعمل للحفاظ على النظام والسيطرة على الشعب

لأن بالحاله دي ممكن تقوم ثورة .. مش ممكن ده اكيد

اصل اللي ناس بتشوفه دلوقتي مش شويه ده كتير وكتير اوي كمان

للاسف حال البلد بقه ملخبط ومشكلة بتعمل مشكلة اكبر

بطاله ... فقر ... عدم رعاية صحية .. ازمة مياه .. جرائم قتل واغتصاب ... وكتير

ياترى ايه اللي ممكن يحصل اكتر من كده ؟؟ ياترى بكرة شكل البلد هيبقه عامل ازاي؟

...ربنا يستر

------------------------------

:تحديث

اعتقد ان معظمنا سمع عن "محمد أحمد" (25سنه) المسلم اباً عن جد اللي رافع قضية يطالب بيها بحقه في أنه يسجل في البطاقه مسيحي على اعتبار انه اعتنق المسيحية وهو عمرة 16 سنة

وذكر كمان انه متجوز من امرأة مسلمة اعتنقت المسيحية بردو بس لسه مسجله على انها مسلمه ومنتظرين طفل على أمل انه يكتب في خانة ديانته مسيحي

الغريب بقه في الموضوع ان الكلام ده كله طلع ولا ليه أي اساس من الصحه وعائلته بنفسها أكدت كده وانه مازال بيصلي يوميا صلاة المسلمين في الجامع ... بس الحكايه ومافيها انه من وهو صغير نفسه يبقه مشهور وكل الناس والصحافه تتكلم عنه فـ بكل بساطه اخترع الحكايه دي

ياترى في سبيل الشهرة ممكن تتخلى عن دينك ولو حتى ظاهريا يا "محمد"؟

لاتعليق

تاج من كوكا

مبدأيا وقبل أي حاجه كل اللي يجي هنا لازم يدعي معايا

ان ظروف النت عندي تستقر على ما هي عليه قبل ما ارتكب جريمة في النت

BROKEN INSIDE وصلني التاج ده من كوكا صاحبة مدونة

شكلها بتخلص تار...ماشي
وأدي نتيجة التاج يا بنوته

What Famous Leader Are You?
personality tests by similarminds.com

همرر التاج ده بردو لكل حد ليه لينك عندي هنا

ويارب حد يجاوبه بقه

دعني احبك

حين تهاجر الطيور فيوماً ما ... ستعود

حين تخرج الانفاس من الصدور فإنها ... ستعود

...ولكن

حين يكون قلبي بين يديك فإنه لا يعود

... دعني احبك فأنت كياني

... دعني احبك فأنت احلامي

... دعني احبك فأنت كل ما في وجداني

حبيبي .. كيف تريدني ان اكون ؟

سأكون شمس انت ظلها

سأكون بحار أنت شطآنها

سأكون اشجار انت اوراقها

سأكون زهور انت ربيعها

... ولكن لا تمنعني من حبك

فقط دعني احبك ... دعني احبك في صمت

...لن انساك ولكني سأنتظر

سأنتظر سماع اخبارك

سأنتظر ان تفضي لي بأسرارك

سأنتظر .. لأنك كعصفور راحل ستعود بحثا عن الدفء في برد الشتاء

رحلة الى الطبيعه الساحرة

انا عارفه اني اتأخرت كتير جدا

وظروف النت اللي هتجبلي شلل رباعي مسمحتليش بالاعتذار عن التأخير

فبعتذر ليكم دلوقتي

سافرت 3 ايام الساحل الشمالي

حيث الهواء النقي المناظر الطبيعيه اللي بجد تجنن والهدوء والاستجمام

كانو 3 ايام من اجمل ايام حياتي .. كفاية اني غيرت جو

احساس جميل اوي اني اقعد قدام البحرفي ساعة مغربية والجو الجميل اتأمل فيه

واتفرج على كل موجه وهي جايه تخبط على الشط

وعلى منظر غروب الشمس على البحر

ياااااااااااااه بجد جنان

هسيبكم تتفرجو على الصور وتحكموا بنفسكم

كان عندي استعداد امشي ورا الشمس واكمل تصوير

بس ياريتني كنت اقدر

وكمان شكل الموج وهو بيحضن الصخور الخضراء الموجوده على الشط

ولا منظر ضوء القمر بيلمع على المية

سبحان الله على الجمال ... كان نفسي اصوره بس للاسف معرفتش

اكيد لما تقعد يوم واحد بتشوف كل المناظر الجميلة دي لازم ترتاح نفسيا

الجو الجميل الهادي ده بيساعد على التفكير بكل هدوء

ان لم يكن بيخليك مش بتفكر في حاجه اصلا غير في كل الجمال اللي قدامك

وتنسى كل حاجه حتى الوقت

وتستمتع بكل لحظه بتشوف فيها الطبيعه الساحرة دي

...سبحان الله

تاج تاني

كان يا ما كان
في يوم ما من الايام الكتير اللي فاتت
دخلت مدونة الزميل سفاح كرموز
ولاقيت عنده تاج وقال ايه التاج اجباري لكل اللي يدخل المدونة
قررت اني اجاوبه الايام دي عشان انقذ المدونة من الخمول اللي هي فيه ده شويه
نبتدي
بسم الله الرحمن الرحيم

انت مين ؟؟
ضوء القمر
طالبه بكلية الاداب قسم علم النفس
18 سنه

مين اكتر ست اشخاص بتحبهم ؟؟؟
بابتي(الله يرحمه) ومامتي ... كده 2
اخواتي ... كده 3
خليكو مصحصحين معايا كده يبقوا كلهم 5
... فاضل واحد

هل انت سعيد ؟؟
الحمدلله .. نعمة من عند ربنا :)

لو اجتمعت مع حسنى مبارك فى مكان واحد هتعمل ايه ؟
هسلم عليه واقوله ... كفاااااااايه حراااااااام

لو معايا مليون و نص اعمل ايه ؟؟؟
هجيب عربيه :D
مش بالمليون ونص كلهم طبعا
ممممممممممممم
هتبرع منهم
وهحط الباقي في البنك

بتحب مصر ؟؟
!!سؤال صعب
بجد والله مش عارفه
انا عشت معظم حياتي برا مصر بس مش عارفه بحبها ولا لا

مين اكتر شخصية متقدرش تستغنى عنها ؟؟؟
مامتي ربنا يخليها ليا

ايه اكتر موقف محرج ؟؟
ليه الاحراج ده بأاااااه
هم كتير :D
بس مش فاكرة حاجه دلوقتي

الامنية اللى اتمنا تحقيقها ؟؟
رضا ربنا واعيش مع كل اللي بحبهم

التاج باه يتمرر لمين ؟؟؟؟
اي حد ليه عندي لينك هنا
واجباااري بردو :P

.. تحت الامطار

اسير تحت الامطار والجو بارد ... اشعر بتلك القشعريرة البارده تسري في جسدي .. تذكرني بتلك التي تسري في جسدي حين تلمس يدك يدي ... نعم !! انه انت امامي تبتسم لي مددت يدك لتصافحني ... اخبرتني بانك تريد التحدث معي ... تعجبت لتلك الصدفه في هذا الجو البارد !!! .. سرنا معاً تحت الامطار.. تحدثنا كثيرا وكثيرا
افتقدك -
وانا ايضاً -
كيف هي حياتكِ بدوني -

!!تائهةً ... ضائعة -
هل نسيتيني؟؟ -
لا ... اظنني استطيع .. فأنت لا تُنسى -
حسناً ... احبك -
وأنا ايضا ... احبك -
يجب ان تكملي حياتك بدوني .. سأذهب الآن -
لا لا تذهب ليس بعد ان عثرت اخيرا عليك -
يجب أن اذهب ... سأذهب ... وداعاً -
ذهبت بعيدا .. افقتُ من شرودي وتذكرت .... أنها لم تكن صدفه
ذهبت حيث لا استطيع انا اراك مرة اخرى الا صورة ... ذكرى ... كلمة

.....وخيالاً تحت الأمطار

حدث في مثل هذا اليوم

حدث في مثل هذا اليوم

في التاسع عشر من يونيو( 19/6 ) ولدت المدعوة ضوء القمر

النهارده عيد ميلادي .... كل سنه وانا طيبة :D

ممممممم زمانكم بتسألو بقو كام سنه

في الساعه الثالثه عصرا هيبقو 18 سنه بالدقيقه

جيبالكو تورته..... كل اللي يجي هنا لازم يدوق منها

اومال ده مش عيد ميلاد اي حد ده عيد ميلادي :D

...تعريف الحب

اجتهد الفلاسفه والعلماء كثيرا للوصول الى تعريف الحب
ماهو تعريفه ؟؟ وهل نحن متفقون في تعريف الحب ؟؟

نجد ان الفلاسفه والعلماء اختلفوا كثيرا حول تعريفه
والامر في ذلك يعود إلى اختلاف تعريفات الحب باختلاف طبيعة الانسان
فقد نجد من قال ان الحب "تضحية" ...وأيضا من قال أن الحب "احترام" ... وقالوا الكثير
ولكننا لن نستطيع ان نجد تعريفاً ملموساً للحب او اختزال الحب في شئ واحد
فكل فرد باختلاف شخصيته وطبائعه يرى الحب من منظوره
فلا نجد ابدا شخصان يتفقان في تعريف الحب او يريان الحب من نفس المنظور
وذلك ببساطه لاختلاف شخصياتهم وانه لا يمكن ان تجد شخصيتان متتطابقتان تماما
وهذا يعني ان الحب لا يخضع لأي قواعد أو شروط أو قد يضع احد العلماء تعريفا له ثم يتبعه الاخرون من بعده
لا ... ليس هذا هو الحب .. وانما هو احساس تلقائي .. جميل ..يأتي من القلب .. لا يخضع لأي قوانين
الحب .. تلك الكلمة قليلة الاحرف واسعة المحتوى
لا يستطيع أي شخص وصفها لأنه ببساطه لن يعطيها المعنى الصحيح لها
ومتى سئل انسان عن تعريف الحب واعطى اجايه فتبقى ناقصه غير مكتلمه
... لعل اصدق تعريف للحب هو الذي لم نعرفه بعد

واخيرا

واخيرا

وبعد عناء وسهر الليالي والشقاء

ومذاكرة وكتب واقلام واوراق

اخدنا الاجازة

برغم اني مكنتش منقطعه عن التدوين فترة الامتحانات

بس حاسه ان التدوين في الاجازة هيكون ليه طعم تاني خالص

والحياة كلها ليها طعم تاني

ولا ورايا مذاكرة ولا هفضل صاحية باليومين علشان عندي امتحان ولا اي حاجه خالص

اخدت الاجازة اخيرا

... تاني يوم امتحان

عارفين المثل اللي بيقول اللي اتلسع من الشوربة ينفخ في الزبادي هو انا ده بعد أول يوم امتحان والموقف الجميل اللي الدكتور( الله يسامحه )عملوا فينا قررت أني في الماده دي هذاكر المنهج كله وبصراحة المرادي الماده كانت سهلة وصغيوره خالص تتلخص في 6 اسئله فقدرت اخلصها كلها انما لو كانت غير كده مكنتش خلصتها طبعا عشان الامانه سبت جزئيه صغيره... ورغم اني كنت متفائله جدا بس أول ما بدأت مذاكرة حسيت اني مش متفائله اطلاقا لأني أول مرة اشوف الكلام اللي مكتوب في الكتاب ده (سبحان الله .. بنت مجتهده جدا ) و
لسبب كمان ان الجزء التجريبي من الكتاب كان المفروض نسلمة للدكتور بس انا للاسف مسلمتوش وده لظروف خارجه عن ارادتي مع اني كنت مستعده تماما اني اسلمه بس نعمل ايه بقة (لازم عفريت يطلعلنا في كل حاجه كده) وده السبب اللي كان مخليني مش متفائله وحاسه اني مهما حليت في الماده دي فانا ساقطه فيها( مش لو حليت اصلا ) ده بالاضافه الى عدم المذاكرة ... فضلت اذاكر فيها طول الليل لحد ما بدأت افقد اعصابي وعندي شعور اكيد اني مش هلحق اخلص قبل الامتحان
لكن الحمدلله الامتحان كان الساعه 9 وانا خلصت مذاكرة الساعه7 (ده انجااااااز) .... مفيش نوم ولا حتى 10 دقايق لأني لو كنت نمت مكنتش رحت الامتحان وكان هيبقة لا حل ولا حضور من اصله (لامشيها من غير نوم احسن ) ... رحت الجامعه قابلت اصحابي لاقيت حالتهم زي حالتي صاحيين من قبلها بيوم وكلنا مش شافين قدامنا ... دخلنا الامتحان واحنا على حالتنا دي محدش عارف هو مين وليه اساسا !!! استلمت كراسة الاجابة وكتبت اسمي ورقم جلوسي وكنت خلاص قربت انام لولا اني سمعت صوت المراقب وفوقني وهو بيقول (ورق الاسئله جه كل واحد راسه في ورقته واللي هيبص قدامة هخبطه محضر غش ) قلت في نفسي بداية مبشرة بالامل !! كفايه على راسي الخبط اللي فيها مش ناقصه خبط محضر غش... ربنا يستر فوقي بقة عشان الامتحان جه
واستلمت ورقة الاسئلة ابص فيها عشان اقرأ الاسئلة لاقيت الامتحان 3 اسئله واختار منهم 2 وأول سؤال عيني وقعت عليه كان السؤال التاني ... عمركو شفتوا حد يقرأ السؤال التاني قبل ما يقرأ السؤال الاول اهو انا بقه قريته ولا قيته هو هو الجزئيه الصغيرة اللي انا سبتها (خير) فأكيد طبعا هحل السؤال الأول والتالت بس يارب ميكونش الدكتور ساب المنهج كله وجاب الامتحان كله في الجزئيه اللي انا مذكرتهاش دي (اصل انا عارفه النحس) ..بصيت في السؤالين التانين لاقيتهم الحمدلله كويسين ويتحلوا ... بدأت بالسؤال التالت وكان سهل وبسيط خالص الحمدلله لأنه كان من اول جزئية في المنهج وتم حل السؤال على خير الحمدلله نيجي للسؤال الأول واللي كان متكون من جزئين .. جميل... اناعارفه الجزء الاول وفكراه كويس اوي وعارفه الجزء التاني بس مش فكراه .. احل الجزء الأول وبعدين أعصر مخي في الجزء التاني برحتي بقة وحصل اني خلصت الاول وجه دور التاني .. يامخي افتكر.. ابدااااااااا ... هجبلك شيكولاتايايا لما نطلع.. ابدااااااااا .. طيب صدقني هننام لما نخلص بس افتكر عشان نخلص .... وده قفلت معاه انه مش هيفتكر يعني مش هيفتكر طيب اعمل اييييييييه ؟ بصراحة استعنت بزميل و سألت زميلي اللي كان قاعد جمبي (معندوش حجه المراقب انا مبصتش قدامي انا بصيت جمبي ) هو قالي اول حاجه وكأن مخي كان مستني الكلمة دي ويكمل هو كلام شكرت زميلي وقلتله خلاص اني افتكرت( مستغنيه عن خدماته يعني بس قلتها بزوق) والحمدلله خلصت امتحان على خير ... وعوض الامتحان اللي فات بس يارب الدكتور ميدققش في حكاية الكتب دي قولوا يارب

... بس انا متفائله خير للي الامتحان الجاي ان شاء الله

-------------------------------

تحديث

دي اخر مرة هكتب فيها عن الامتحانات عشان المواد الجاية للأسف متسمتحملش اني اقعد على النت كتير ... ادعولي

مغامرات الامتحانات ... اول يوم امتحان

أول يوم امتحان ... يا سلام على أول يوم امتحان

كنت متفائلة جدا جدا وبقول ان شاء الله الامتحان هيجي كويس وهعرف احل مع أني اصلا مكنتش مذاكرة ولا أعرف اي حاجه عن الماده ومع ذلك بردو كنت متفائلة ... ليه!!! انا مش عارفه يمكن عشان مادة علم نفس عام ؟؟؟ بردو مش عارفه

من يومين بس بدأت افتح الماده واشوف ايه اللي فيها بس الحمدلله اني اصلا عارفه هي بتتكلم عن ايه

لاقيتني خير اللهم اجعله خير تايهه ومش عارفه اذاكر وحاسه اني مش عارفه اجمع جملة مفيده على بعضها ومع ذلك بردو كنت متفائله

امبارح قلت بقة مينفعش كده لازم اقعد اذاكر ده الامتحان بكرة خلاص كلها كام ساعة يعني

قعدت بردو حسيت بنفس الاحساس (التوهان) بس قررت بقة اني هضغط على نفسي شويتين تلاته عشان اذاكر خلاص لا مفر مذاكرة ثم مذاكرة

وأنا قاعده واذ فجأة كده بعون الله تجيلي نجده من السما ..اتصلت بيا صحبتي وقالتلي ان في محاضرة ما من اللي انا محضرتهمش (هم كتير بصراحة) الدكتور اداهم اسئلة وقالهم ذاكروها كويس جدا عشان تنجحوا ان شاء الله .. زادت نسبئة التفاؤل اوي عندي وقررت اني هذاكر الاسئلة اللي الدكتور قال عليها بس (ده غير الحاجات اللي كنت مذكراها قبل ما اعرف بموضوع الاسئله) وقلت ده على ده اهم يعملو حبة معلومات حلوين يسندوني في الامتحان واهو كله يمشي

فضلت قاعده طول الليل بذاكر في الاسئلة واحفظ واصم فيهم وقاعده وسط هرم من الكتب والورق واديا وجعتني خلاص مش قادرة وطبعا على الحال ده مفيش نوم قبل الامتحان ورحت الامتحان صاحية وبرغم كل ده فأنا متفائله

وصلت الجامعه وأول ما شفت اصحابي ولجنة الامتحان قلتلهم كلمة وحده

!!! أنا مش متفائلة خالص

كانت كل حاجه حواليا لا توحي بالتفاؤل ابتداء من اني مكنتش لاقيه لجنتي مرورا بالمراقبين ... اه المراقبين ولا كأنهم بيتعاملو مع ناس كبار اطلاقا تقريبا كدبوا عليهم وقالولهم انهم داخلين يراقبوا على فصل كي جي وان مش على ناس كبار في اولى كلية

وصولا في النهاية الى الامتحان

بعد ان كتبت اسمي ورقم جلوسي على ورقة الاجابة قعدت زي الشطورة مستنية ورقة الاسئلة تجيلي

وجاتلي ورقة الاسئلة

ان ان اااااااااااااااااااان تش ..دي الموسيقى التصويرية ..واسفين على الازعاج

ابص في ورقة الاسئلة لاقيت الامتحان 3 اسئلة واختار منهم اتنين ويا سبحان الله ولا اي حاجه من اللي انا ذاكرتها فيهم

ايه الهنا ده ؟ طيب هو انا المفروض اعمل ايه ؟ طيب هجاوب على ايه وانا اصلا مش عارفه حاجه ؟

اومال فين الاسئلة اللي الدكتور قال عليها؟ هو الدكتور قال ذاكروها عشان هيجي منها في الامتحان ولا قال ذاكروها واعرفوها كويس عشان انا مش هجيبها في الامتحان؟ لا تكون صحبتي سمعت غلط؟ ادعي على صحبتي ؟ لا حرام ماهي زيها زيي بردو ؟.. شكل التفاؤل جه في الاخر على دماغي.. طيب وبعديييييييييييييين؟

ايه ده !! ده في سؤال انا عرفاه .. جميل بسم الله بقة ونبدأ نحل

استجمعت كل شجاعتي وقلت لنفسي جاوبي واوصيكي بالرغي ... بصراحة نفسي سمعت الكلام وقعدت ترغي كتير اوي بل وتطرقت الى التأليف ايضا .. وبعد ماقعدت نص الوقت احل في نقطة في سؤال اكتشف اني مش عارفه بقية نقط السؤال

فقررت بكل شجاعه اني هحل السؤالين التانين في بقية الوقت المتبقي وحلال على الدكتور النقطه الزياده اللي انا حلتهاوضيعت فيها نص وقتي ... وطبعا مش محتاجة اقلكم ان حل الاسئلة طبعا طبعا مكنش حل ده كان تأليف

انا وبكل فخر واعتزاز ألفت علم نفس من اول وجديد ... اوماااال مش لازم يبقة ليا بصمتي في التاريخ بردو .. ولا ايه ؟

المهم في الموضوع ان بعد ده كله اكتشف ان العيب مكنش فيا ده الامتحان كان فعلا صعب على الكل

ااااااه وانا اللي كنت فاكرة العيب فيا طلع العيب في الدكتور

ده كان اول يوم امتحان والاستفتاحية خير طبعا .. ربنا يستر على بقية المواد بقة

.... بس انا بردو متفائلة

...كلمات اعجبتني

للذكاء حدود لكن لا حدود للغباء

إنه من المخجل التعثر مرتين بالحجر نفسه

إذا ركلك من خلفك .....فاعلم أنك في المقدمة

الابتسامة اقل كلفة من الكهرباء واكثر اشراقا منه

الضمير صوت هادىء..يخبرك بأن احدا ينظر اليك

إن من أعظم أنواع التحدي أن تضحك والدموع تذرف من عينيك

أكثر الناس مكرا هو من يعطيك ظهره وأنت في امس الحاجه الى قبضة يده

الحياة مليئة بالحجارة فلا تتعثر بها بل إجمعها وابنِ بها سلما تصعد به نحو النجاح

اقسى اللحظات أن تقف أمام شخص يبكي ولا تملك الشجاعه لأن ترفع يدك وتعانقه

ابحث عن الشوك في بستان ملئ بالزهور..ولاتبحث عن زهرة في بستان ملئ بالاشواك

!!!ليس من الصعب أن تضحي من أجل صديق ... ولكن من الصعب أن تجد الصديق الذي يستحق التضحية

اعتذار

أخبروني ما أخباره....؟

لمن يبوح بأسـراره....؟
ماذا فعل بعد رحيلي ؟
ماذا فعل بعد غدري؟
آه كم كنت قاسية معه
آه كم ألوم نفسي على فعلتي
آه يا تلك الآه تؤلميني لفراقه

أتذكر كم كنت احبه
أتذكر كم كنت أتشوق إلى رؤيته
أإذا عدت تذكرني؟
أهو مشتاق لرؤيتي؟
ماذا فعل بعد رحيلي؟
ماذا فعل بعد غدري؟
أعذره إذا نسيني ... فأنا من أمرته بالنسيان
أعذره لقسوته معي ...فأنا من بدأ بالقسوة
آه لو تعود تلك الأيام التي قضيناها معا
لاعتذرت له ألف مرة
آه لو تعود تلك الأيام التي عشناها سويا
لقضيت حياتي بين يديه
لا تلوموه فقد كانت غلطتي
لا تلوموه فإنها قسوتي
كان عذبـا ... رقيقا
كنت قاسيه ... جافه
أتمنى أن يكون نسيني
فأنا لا استحق تلك الدموع من عينيه

كم كان يتوسل

كم كان يتعجب
كم كان يتسآل..؟؟
لماذا حبيبتي...؟
لماذا الفراق...؟
وأنا من ملأ الجفاء قلبي
أنا التي نسيت حبه لي
وتناسيت حبي له
ولكني الآن كل ما املكه
اعتذار
وهل يكفي الاعتذار..؟
والآن؟؟
ماذا فعل بعد رحيلي؟
ماذا فعل بعد غدري؟

تاج

اول تاج يوصلني
ووصلني من وينكي
وواضح ان اول تاج هيبقة في فضايح الطفولة والمدرسة
بس هنعمل ايه بقة نجاوب وامرنا لله
احم احم ...... نبتدي

هل كنت طالب شاطر فى المدرسة ؟
من اولى ابتدائي لحد خامسه ابتدائي فأنا كنت متفوققه جدااااااا وعلى طول بحتل المراكز الاولى على مدرستي
وده لسبب بسيط اني كنت برة مصر وكانت الدراسة سهلة وبسيطة
وصلت لحد اولى اعدادي وجيت مصر وكانت الصدمة الكبرى وهي ان المناهج معقده ومكلكلعه ومتتفهمش وماشاء الله المدرسين بيقومو بالواجب وزياده في كلكلعة المناهج اكتر
وبدأت دوامة الدروس الخصوصية ومش أي دروس لا عند مدرسين المدرسة عشان درجات اعمال السنة اللي كانت بتروح لو ماخدتش درس خصوصي عند المدرس الفلاني وعدت 3 سنين الاعدادي بالشكل ده وكنت تقريبا كده اعتبر من المتفوقين ...... على حد ما كانوا بيقولوا يعني
في ثانوي بقة الدنيا باظت خالص وخرجت بره دايرة المتفوقين


أحب مادة , أكره مادة ؟
وانا في ابتدائي كنت بصراحة بحب كل المواد ومبفضلش اي ماده على التانية كنت بمعنى اصح بحب المذاكرة وخاصة كمان المواد الدينية
وفي اعدادي كنت بحب مادة العلوم اوي بس كنت بكره العربي جدا
في ثانوي بقة كنت بحب الكيمياء جدا بس للاسف الكيمياء دايما غدارة وجبت فيها درجة وحشة فحولت ادبي زي الشطورة كده وكنت بكرة التاريخ موووت وبعشق علم النفس

ولما وصلت الكلية محبتش ولا ماده


كنت عايزة تطلعي ايه وانتي صغيرة؟

حاجات كتير

كنت كل ما بعدي مرحلة بيبقة حلمي مختلف

وانا صغيرة زي كل الاطفال وحلمهم انهم يطلعوا دكاترة فانا كمان كنت بحلم اني ابقة دكتورة

ولما وصلت لاعدادي كان نفسي اوي ادخل كلية علوم قسم كيمياء

وفضلت عندي امل كبير لحد ماوصلت ثانوي ودخلت علمي مخصوص عشان ادخل كلية علوم بس للاسف كانت الصدمة في المجموع الجميل .... مش لازم نقول بلاش فضايح اكتر من كده ..... فحولت ادبي ومن صدمتي في المجموع الجميل بتاع سنة تانية قررت اني هدخل كلية تربية موسيقية وده لاني بحب الموسيقى جدا وكمان لاني بعزف على الة الكمان
وبعدين جبت مجموع كويس اوي في سنة تالته وده غير اتجاهي 180 درجة وخلاني اقرر اني ادخل اداب علم نفس لاني بحب علم النفس جدا وكانت اول رغبة عندي والحمدلله جاتلي ودخلت اداب علم نفس

رغيت كتير اوي معلش بقة استحملوني

امرر التاج الى

ممممممممممممم

صرصارة

واشرف اخف دم

واحمد بلال

ونورهان مفيد

....حبيبي

حبيبي ....حبيبي

ياشـمس يا مـنورة غـيـبي وكفاية ضيك يا حبيبي

ودي يا ليالي وجـيـبي وانا الاقي زيك يا حـبـيـبي

عمرك يا دنيا ماتخلي بي طول ماهو ساكن في قليبي

عشـقـاه وداب في دباديـبي مـكتوبي هو ونصـيـبي

حبيبي .... حبيبي

انا اللي ليل عمري غدر بي اول ماشفته الهوا دار بي

وقلبه طار واختار دربي شالني في عنيه واتغندر بي

قلنا سوا يا جراح طيبي

حبيبي .... حبيبي

حبيبي سيد روحي وقلبي سيدي انا وسيد كل الناس

مهما الزمان اتنقل بي شيلاه في قلبي قمر وناس

في شبابي عشقاه وفي شيبي

حبيبي .... حبيبي

....لا أدري

لا أدري
أرثيك..؟
أم أبكيك..؟
أرثيك أم ارثي من يبكيك..؟
وأنا من محبيك .. يا اجمل ذكرى
هكذا كنتُ اناديك
هكذا كان قلبي يناجيك
اعمالك الانسانية .. وتجلياتك الخيرية
كانت سبيلك لقلوب البشرية
يا شمعة اضاءت وانارت للآخرين
واحترقت بفراقها قلوب الملايين
كم بكيت على فراقك.... وخرجت بالشموع لوداعك
...ودقت الاجراس لتعلن عن رمز العطاء والحنان
لقد تركت لغزاً بثراك ... تاركة دمعةٌ في عيني
ولوعة في القلب
لتجعل ذكراك....شمعة في قلبي

..يوم اليتيم

{انا وكافل اليتيم في الجنة كهاتين}
واشار بالسبابة والوسطى
صدق رسول الله صلى الله عليه وسلم

النهاردة يوم اليتيم
اول جمعه من ابريل
وطبعا كلنا عارفين حديث افضل الخلق صلى الله عليه وسلم
وفضل كفالة اليتيم
بس ياترى كلنا فاكرينه على طول ؟؟
ولا عشان النهاردة يوم اليتيم
اعتقد كمان ان احنا ممكن منفتكرش يوم اليتيم
لولا ان وسائل الاعلام كلها بتدعو لقضاء اليوم دا مع الايتام
فكرو كدا شوية
سعادة اليتيم مش مقصورة على يوم واحد بس
ولما يلاقي كل الناس جيا تزوره في يوم
كلهم في يوم واحد بس !!!
وبقية السنة ولا كأنة موجود
تفتكرو كدا هيكون فرحان؟؟
طيب قبل مايبقة في يوم اسمه يوم اليتيم؟؟
قبل كدا فكرنا احنا من نفسنا يبقا لينا يوم يتيم خاص بينا

كل مانبقى فاضيين كدا نفكر نعمل عمل خير ونسعد الايتام؟
سعادة اليتيم...مش في يوم واحد ابداً

......ويأتي الربيع

...ويأتي الربيع
بنسائمه الهادئه
لتتفتح تلك الازهار الرائعه
وتبدأ الحياه من جديد

...ويأتي الربيع
ليبعث الحياة في اروقة الدنيا
ويبث فيها الوان الطبيعة الصافيه

...ويأتي الربيع
لأرى هذا الصفاء في عيون الدنيا
والفرحة في عيون الأزهار
والنضارة في عيون الثمار

....كل سنه وكلنا بخير

ذكريات اول يوم دراسة

اول يوم دراسة

اااااة اليومين دول عمري ماهنساهم في حياتي -يومين!!!يومين ايه يابنتي انتي بتقولي اول يوم يعني هو يوم واحد بس- لا

ماهو اول يوم دراسة عندي مقسوم يومين بس مش يومين ورا بعض يومين في شهرين ورا بعض

-بقلك ايه عشان منتوهش في الكلام احكي واخلصي-

نحكي بقة ... :)

---------------

يافرحتي اللي كانت مش سيعاني وأنا صاحية اول يوم دراسة الصبح

واخيرا....اخيرا هروح المدرسة زي اخواتي الكبار وهيبقا عندي مدرسين وواجبات بقة ومذاكرة زيهم

الله بجد انا فرحانة جدا

يللا يا ماما بسرعه الفطار بتاعي فين هتاخر على المدرسه -

روحي البسي جري على ماحضر الفطار -

البسي !! تيب هلبس ايه؟؟

اااااه....ايه دا فين المريلة؟؟

يااااااماااااماااااااا فين المريلة الازرقه بتعتي -

في الدولاب بتاعك يا حبيبتي مكوية ومتعلقه-

في ثواني كنت لبست المريله.....الله شكلها حلو اوي

ياماما المشط والشرايط البيضا اهم ..ممكن لو سمحتي تسرحيلي شعري

خلصت لبس خلاص

بابا...صباح الخير يا بابا ...ايه رايك في شكلي حلو في المريلة؟؟-

زي القمر يا حبيبتي يللا حضري حاجتك عشان اوصلك في سكتي -

وبسرعه جريت على شنطتي اللي انا حاطه فيها دفتري وقلمي من امبارح بليل

((: وحطيت معاهم السندوتشات وبالطبع ...مانسيتش الزمزمية

ونزلنا انا وماما وبابا عشان نروح المدرسة ......يااااه اخيرا

طبعا اليوم ده كان مفتوح للامهات انهم يقعدو مع اولادهم (عشان اول يوم )

بس طبعا انا مكنتش مستوعبه دا وفاكرة ماما هتكون معايا في المدرسة على طوول

وهنا بقة كانت المفاجأة اللي مكنتش متوقعاها اطلاقا ولا كانت تخطر على بالي اصلا

ماما لازم تسيبني في المدرسة لوحدي ..!!! هتروح وتسيبني لوحدي ..!!! لا

متفقناش على كدا

بس للاسف كان امر واقع عشان جه الوقت ان كل الامهات لازم يروحو فيه

وهنا بدا اليوم يبقة وحش

وبدات المعاناه

مش معاناتي لا ... معاناة المدرسين مني

وصله من السيمفونية الغير عذبه اطلاقا (العياط المتواصل طبعا) من نص النهار تقريبا

لحد لما جه معاد الانصراف وجه بابا ينقذني من الورطة دي اخيرا ويروحني البيت ....هييييه هروح بيتنا

تاني يوم بقة كنت اخدت على المدرسة وكأن مفيش حاجة حصلت اول يوم اطلاقا وكأني بقالي 5 سنين في المدرسة دي

وكنت فرحانة ومبسوطة جدا باول صديقة ليا في المدرسة (عزة) اللي كانت قاعده جمبي وبقينا اصحاب اوووي

كانت ايام حلوة

-------------

نيجي بقة لليوم التاني واللي كان بردو اول يوم واللي انا مسمياه يوم الصدمة

في اليوم دا جه الخبر المفاجئ (الصدمة) اني بعد ماقضيت شهر بحاله في مدرستي اللي حبيتها جدا ومع صحبتي (عزة) اني

هتنقل لمدرسة جديدة قريبة من البيت

لا ... لا... انا مش عوزة اروح المدرسة دي كل المدارس دي وحشين ومدرستي بس هي اللي حلوة -

دا اللي انا كنت بقوله لبابا

بس دا كان امر واقع وورقي اتنقل خلاص وفي اليوم دا رحت المدرسة الجديده وكأنه اول يوم دراسة من اول وجديد

وبالطبع اول يوم دراسة في المدرسة دي كان زي اول يوم دراسة في المدرسة اللي قبليها

وصلة من السيمفونية الغير عذبه خالص

لحد ماواجهت الواقع واخدت على مدرستي الجديدة

بس للاسف من غير صحبتي (عزة) اللي معرفش عنها اي حاجة من يومها لحد النهاردة

دا كان اول يوم دراسة (اللي هو اول يومين) ... ايام وراحت

ايه البنت المزعجه دي

اسطورة الحب والجنون

فى قديم الزمان

حيث لم يكن على الارض بشر بعد

كانت الفضائل والرذائل تطوف العالم معا

وتشعر بالملل الشديد

ذات يوم .... وكحل لمشكلة الملل المستعصيه

اقترح الابداع لعبة اسماها الاستغمايه

احب الجميع الفكرة

وصرخ الجنون : اريد ان ابدأ .. اريد ان ابدأ

انا من سيغمض عينيه ويبدأ العد

وانتم عليكم مباشرة الاختفا

ثم انه اتكأ بمرفقيه على شجرة وبدأ

واحد .. اثنين .. ثلاثة

وبدات الفضائل والرزائل بالاختباء

وجدت الرقة مكانا لنفسها فوق القمر

واخفت الخيانة نفسها فى كومة زباله

ودلف الولع بين الغيوم

ومضى الشوق الى باطن الارض

الكذب قال بصوت عال : سأخفى نفسى تحت الحجارة

ثم اتجه لقاع البحيرة


واستمر الجنون فى العد

تسعة وسبعون .. ثمانون .. واحد وثمانون


خلال ذلك اتمت كل الفضائل والرزائل تخفيها

ماعدا الحب

كعادته لم يكن صاحب قرار

وبالتالى لم يقرر اين يختفى

وهذا غير مفاجئ لاحد .. فنحن نعلم كم هو صعب اخفاء الحب


تابع الجنون : تسعة وثمانون ............ سبعة وتسعون


وعندما وصل الجنون فى تعداده الى المائه

قفز الحب وسط أجمة من الورد واختفى داخلها

فتح الجنون عينيه .. وبدأ فى البحث صائحا : انا ات اليكم .. انا ات اليكم

كان الكسل اول من انكشف .. لانه لم يبذل جهدا فى الاختفاء

ثم ظهرت الرقة المختفيه فى القمر

وبعدها .. خرج الكذب من قاع البحيرة مقطوع الانفاس

وأشار على الشوق ان يرجع من باطن الارض

وجدهم الجنون جميعا .. واحدا بعد الاخر

ماعدا الحب

كاد يصاب بالاحباط واليأس فى بحثه عن الحب

حين اقترب منه الحسد وهمس فى اذنه

الحب مختفى فى شجرة الورد


التقط الجنون شوكة خشبية اشبه بالرمح

وبدأ فى طعن شجرة الورد بشكل طائش

ولم يتوقف الا عندما سمع صوت بكاء يمزق القلوب

ظهر الحب وهو يحجب عينيه بيده

صاح الجنون نادما : يا إلهى ماذا فعلت؟

ماذا افعل لكى اصلح غلطتى بعد ان افقدتك بصرك !!!

اجابه الحب : لن تستطيع اعادة النظر لى

لكن لازال هناك ما تستطيع فعله لأجلى


كن دليلى



وهذا ما حدث من يومها

يمضى الحب الاعمى ....... يقوده الجنون

أمي ثم أمي لحد آخر يوم في عمري

أمك ثم أمك ثم أمك ثم أبوك
أحق الناس بحسن صحابتك
قول رسول الله صلي الله عليه وسلم
******
وَاخْـضَـعْ لأُمِّــكَ وأرضها
فَعُقُـوقُـهَـا إِحْـدَى الكِبَــرْ
الإمام الشافعي
******
الأُمُّ مَـدْرَسَــةٌ إِذَا أَعْـدَدْتَـهَـا
أَعْـدَدْتَ شَعْبـاً طَيِّـبَ الأَعْـرَاق

حافظ إبراهيم
******

اول مدونة لي

اهداء اليك يا امـــــــي