هو ايه اللي بيحصل في البلد ؟
مشاكل كتير اوي فجأة
يمكن المشاكل دي كانت بتحصل من زمان ومحدش بيسمع عنها
بس اشمعنا الايام دي ؟ ليه الايام دي كل واحد قرر انه يتكلم ويعبر عن مشكلته ؟
خلاص الناس معادتش قادرة تسكت .. قرروا ان هم يخرجوا من صمتهم ويتكلموا
بس ياترى بقى موقف الحكومة ايه ؟؟
استحاله تكون واقفه ومربعه ايديهاوبتتفرج بس مش معني كده انها بتحل مشاكل الناس..لا
اكيد بتخطط وبتعمل للحفاظ على النظام والسيطرة على الشعب
لأن بالحاله دي ممكن تقوم ثورة .. مش ممكن ده اكيد
اصل اللي ناس بتشوفه دلوقتي مش شويه ده كتير وكتير اوي كمان
للاسف حال البلد بقه ملخبط ومشكلة بتعمل مشكلة اكبر
بطاله ... فقر ... عدم رعاية صحية .. ازمة مياه .. جرائم قتل واغتصاب ... وكتير
ياترى ايه اللي ممكن يحصل اكتر من كده ؟؟ ياترى بكرة شكل البلد هيبقه عامل ازاي؟
...ربنا يستر
------------------------------
:تحديث
اعتقد ان معظمنا سمع عن "محمد أحمد" (25سنه) المسلم اباً عن جد اللي رافع قضية يطالب بيها بحقه في أنه يسجل في البطاقه مسيحي على اعتبار انه اعتنق المسيحية وهو عمرة 16 سنة
وذكر كمان انه متجوز من امرأة مسلمة اعتنقت المسيحية بردو بس لسه مسجله على انها مسلمه ومنتظرين طفل على أمل انه يكتب في خانة ديانته مسيحي
الغريب بقه في الموضوع ان الكلام ده كله طلع ولا ليه أي اساس من الصحه وعائلته بنفسها أكدت كده وانه مازال بيصلي يوميا صلاة المسلمين في الجامع ... بس الحكايه ومافيها انه من وهو صغير نفسه يبقه مشهور وكل الناس والصحافه تتكلم عنه فـ بكل بساطه اخترع الحكايه دي
ياترى في سبيل الشهرة ممكن تتخلى عن دينك ولو حتى ظاهريا يا "محمد"؟
لاتعليق
11 comments:
على فكرة حال البلد واحش من زمان و اقولك ان زمن الثوارات انتهى من زمان فى مصر و عمل ما هتقوم ثورة و الحكومة عمرها ما تسمح بكد او اى حاجة تحدث انقلاب سياسى ده هى حكومة بلدك و ده هو حال بلدك و يا رب تتغير الى الاحسن
بسم الله الرحمن الرحيم
ظهر الفساد في البر والبحر بما كسبت أيدي الناس
صدق الله العظيم
ممكن تكون المشاكل دي مننا احنا
وممكن تكون من المعالجه الخاظئه لهذه المشاكل
وممكن تكون استغفال الحكومه لنا وايهامنا انها الاصلح
كلها اوجه للمشاكل المحيطه
بسم الله الرحمن الرحيم
ظهر الفساد في البر والبحر بما كسبت أيدي الناس
صدق الله العظيم
ممكن تكون المشاكل دي مننا احنا
وممكن تكون من المعالجه الخاظئه لهذه المشاكل
وممكن تكون استغفال الحكومه لنا وايهامنا انها الاصلح
كلها اوجه للمشاكل المحيطه
هى دى بلدنا من زمان بس المشكلة ان الكلام دة مكنش ظاهر بس كان موجود وابتدى يظهر جامد دلوقتى لكن مش حتصل ثورة فى البلد متخافيش زمن الثورات خلص خلاص لاننا شعب فعلا كورباج يفرقه
والحكومة مش هتعمل حاجة هى هتمسك كام واحد كدة علشان الناس تخاف لكن على فكرة لو فكرتى فيها هتلاقى ان دة كويس جدا للجكومة ان الناس تفضل تاكل فى بعض من ناحية الناس هتنشغل عن البلد والنظام وكدة وهتنشغل فى مشاكلها واهو برضه كل يوم اما يموت كام واحد كدة حلو علشان نقلل الكثافة السكانية
السلام عليكم
ربنا يصلح حالنا امين
بس هو مش اسمه محمد حجازي؟
ومين زوجته اللي اتنصرت دي اصلا
تصدقي الموضوع مش مستهويني اصلا
لاني لو اتكلمت عنه هساعد في شهرته وهو ميستهلش اصلا
تحياتي
وربنا دا جنان يا بنتي
جنان بجد
عشان الشهره يعمل كدا؟
ليه ان شاء الله
مفيش طريقه تانيه
بجد البلد مالها
حالها وحال اهلها من سيء الي اسوء
ومن سقوط لسقوط
حاجه بجد تجيب احباط وتزود الاكتئاب والله
ربنا يعنيا علي الي احنا فيه
تحياتي ليكي يا قمر
احنا فعلا بنعيش في زمن الانفلات والفساد لاننا بعاد اشد البعد عن ربنا وانا شخصيا وانا اسف اني بقول كده مش متفائل
الوضع مؤسف للغاية
سكوت الناس من زمان هو اللي وصلنا لده دلوقتي
بس اربجع واقول يعني هما لو كانوا اتكلموا كان حد هيسمعلهم
هي دي بلدنا ودي أحوالها
وكلنا بنحلم باليوم اللي تتغير فيه بلدنا وتبقي احسن
أما عن التحديث والشخصية الغير محترمة
فلا تعليق فعلا لانه ميستهلش حتي اننا نضيع وقتنا ونتكلم عنه
ربنا ياخده هو وامثاله
حلوة حكاية محمد دي
صحيح لي يعيش ياما يشوف ويقرا
:p
لا تسألنتي من انا
للاسف حال البلد فعلا وحش من زمان بس الناس كانت كاتمه في قلبها يا عيني وساكته الحال وصل بيهم انهم مش قادرين خلاص يكبتوا اي حاجه اكتر من كده
يارب حال البلد يتغير لاحسن من كده
==========================
محمد مفيد:
انا حاسه ان بيحصل تحدي بين الشعب والحكومة وكل واحد يقلك لا انا الصح والله اعلم بقه مين الصح جايز نكون احنا فاهمين غلط!!!
==========================
loo2loo2
المشكلة يا لؤلؤ دلوقتي ان الناس مبقتش تاكل في بعض بس دي بدأت كمان توجه الاتهامات للحكومة وزي ما تقول كده ضاق بها ذرعا يعني
ربنا يستر والله على البلد دي ما هي يا هتنصلح يا هتضيع اكتر ما ضايعه
===========================
مهند:
امين يارب
والله يا مهند انا اتكلمت من فقعة مرارتي مقدرتش اسكت بصراحة لأنه بني ادم استفزني جدا
جهينة:
هو ساب الطرق كلها ومسك في دي
للاسف لقا دينه عنده ارخص حاجه عشان يبيعها في سبيل الشهرة
بلاش يجيلك احباط واكتئاب عشان هي دي بلدنا ولازم نتعايش مع الواقع :D
تحياتي
==========================
سندباد:
وهو مين متفائل يا سندباد ؟؟؟
اسأل اي حد دلوقتي هيقولك انه فقد الامل في البلد دي خلاص
==========================
نورهان مفيد
مكنش لازم الناس تسكست زمان
يمكن لو كانوا اتكلمو زمان كان صوتهم وصل عن دلوقتي ومكنش يبقه فيه كل المشاكل دي انما دلوقتي صوتهم اه بيوصل بس اللي يعبرهم
تحياتي يا نونا:)
==========================
باسمة:
اللي يعيش ياما يجيله شلل ومرارة :D
Post a Comment