رجعت بعد المفروض غياب اسبوعين
لكن اذ فجأة تقلص الاسبوعين الى اسبوع واحد بس
معرفش ازاي؟؟ بس سمعت سمع خير انه عشان الدراسة
دراسة؟؟ دراسة ايه يا جدعان ده لسه فاضل عليها مش اقل من اسبوعين
اكتشفت ان الازهر هيبدأ بدري اسبوع عن الدراسة العاديه .. وابن اختي اللي في
KG2
في مدرسة ازهر .. فرجعنا كلنا عشان خاطره
بس كان اسبوع جميل جدا في الساحل الشمالي ويوم في اسكندرية
يوم اسكندرية ده كان حكاية
اول مرة ازور اسكندرية من سنيييييين
اخر مرة زرتها كان من حوالي 10 سنين كده
رغم اني كنت صغيرة بس فاكرة اخر زيارة لاسكندرية دي اوي
حسيت ان كل حاجه زي ماهي متغيرتش .. كل شئ زي ماهو
الصورة زي ماهي مطبوعة في دماغي اخر مرة ... لاقيت اسكندرية عليها
حاجات بسيطة اوي اللي اتغيرت ومنها مكتبة اسكندرية اللي اول مرة اشوفها في حياتي
بجد لاقيتها تحفة
عديت من جمبها وبكل براءة بسأل ايه ده؟؟
لاقيت هجوووم عليا .. ايه ده ازاي متعرفيش؟؟
دي مكتبة اسكندرية
كنت بسمع عنها وبشوفها في التليفزون بس مكنتش متخيلة انها تحفة كده بجد
كان نفسي جدا ادخلها بس قلت مرة تانيه بقه .. عشان الوقت مسمحش
شغلتني اوي مكتبة اسكندرية من يوم ماشفتها واول مارجعت على طول سيرش في جوجل عن مكتبة الاسكندرية
ولاقيت الموقع الرسمي لمدينة الاسكندرية
ولاقيت التعريف بمكتبة الاسكندرية وقريتة سطر سطر
شوقتني اوي لزيارتها واكيد ان شاء الله هزورها في يوم ما
اعتقد بمناسبة الكلام عن مكتبة اسكندرية حتما ولابد نقول شكرا لماما سوزان
ما علينا
المهم اني كنت مفتقدة المدونة جدا وكنت مش عارفه ازاي هسيبها اسبوعين
بس جت من عند ربنا وسبتها اسبوع واحد بس
12 comments:
حمدالله علي السلامة يا قمر
حمدله على سلامتك ياجميله بجد وحشتينا اوى
حمدلله علي السلامه
يا جميله المدونه نورت
وانتي نورتي يا رب تكوني استمتعتي كدا
وحشتينا يا جميله
تحياتي
السلام عليكم
حمدلله علي سلامتك
تحياتي
ضوء القمر
حدملله على السلامه ياقمر
انا بردو زيك رحت اسسكندرية والظروف منعتني اني ادخل المكتبة
ونفسي اروحها بردو
اكيد هيجي يوم واشوفها انشاء الله
المهم اجازة سعيدة
وحمدلله على السلامة
:)
حمدالله علي السلامه
نورتي عزيزتي ضوء القمر الف الف حمدلله علي سلامتك تمام كده انك غيرتي جو حتي لو يوم صدقيني بيعمل فرق كبير
وحشتينا كلنا اكيد و حمدلله علي سلامتك تاني و مستنيين بوست جديد مميز تاني منك
الف الف حمد لله على السلامة
حمد لله على سلامتك يا جميل و اكيد كان اسبوع تحفى و يا رب تكون كل ايامك حلوة و سعيدة
عروس البحر
الله يسلمك ياقمر :)
ام عهد
الله يسلمك وانتو كمان والله وحشتوني جدا
جهينة
ميرسي على الكومنت الرقيق اللي زي صحبته ده :)
الله يسلمك ياجميلة
مهند:
الله يسلمك :)
ياسمينا:
الله يسلمك يابنوتة
لو دخلتيها لازم تحكيلي اوعي تنسيني :)
واحد :
الله يسلمك:)
اجندا حمرا :
ميرسي ياقمر والله يسلمك
والله تغيير الجو حتى لو ساعة واحده بجد بيفرق
loo2loo2
الله يسلمك يالؤلؤ
يحيى:
ميرسي على الدعوة الحلوة يا جميل ويارب انت كمان ايامك تكون كلها سعاده وفرح يارب
الله يسلمك
ياااااااااااااه
علي أسكندرية وجوها وهواها وبحرها
وذكرياتي فيها روحتها برضه كتير بس يوم واحد كان بالدنيا
ومافيها
ومكتبة الاسكندرية وجمالها وباقي الاماكن هنااااااااك
يااااه خلتيني رجعت تاني هتجنن وأروح
حمدالله علي سلامتك والحمدلله انك اتبسطتي مش
مهم قعدتي أد ايه في يوم تعيشه يبقي اجمل من اسبوع
ويلا بقي عقبال المرة الجاية
وتخديني معاكي اسكندرية
توعديني
طبعا حمدالله على سلامتك ونورتي مدونتك تاني
وطبعا انا علقت على الموضوع اللى قبله بس لما قريت ده قولت لازم اجي واسلم برضه
اسكندرية جميلة جدا جدا بس فى الشتا بقى لأني مش بحب الزحمة بصراحة
اما بقى مكتبة اسكندرية انا برضه سألت السؤال ده هيا دي ايه قوالولي دي مكتبة اسكندرية يابنتي انتي ايه مش عايشة فى الدنيا ولاايه
قولتلهم لأ صراحة مش عايشة ههههه
ومدخلتهاش برضه لغاية دلوقتي بس نفسي ادخلها
وطبعا شكرا لماما سوزان وطويل العمر يطول عمره بابا حسني
Post a Comment