سيداتي سادتي
اهالي بلوجر ومن هم من خارج عالم بلوجر وكل من يزور صفحة مدونتي
وحشتني المدونة ووحشني جدا قراية مدونات زملائي وزملاتي المدونين والمدونات وتعليقاتهم والتعليق في مدوناتهم وكل حاجه
النهارده اخيرا بكتب بعد 3 شهور
يمكن انقطعت كتير عن الكتابه في المدونة وكل فترات الانقطاع بتكون لظروف خارجه عن ارادتي بس دي كانت اطول فترة تعدي من غير ما حتى اعرف شكل مدونتي عامل ازاي
وكنت هتجنن وابص عليها حتى بصه وحيده قبل ما اموت
والله لو كان بايدي مكنتش سبتها كل ده بس اعمل ايه
المرادي وفي يوم ما من ذات الايام
بعد ما اخيرا خلصت امتحانات .. وراجعه من اخر امتحان مملؤة بشعور الفرحه والحريه
وحطيت ايدي على زرار الباور في جهازي واستنا اشوف شاشتي بتنور
مبتنورش
في ايه؟؟
اذ بشاشتي محروقه
ينهاااااار
جهازي يا عيني فاض بيه بعد استخدام سنوات وسنوات وقرر انه يعلن عليا العصيان وكل شويه لازم يطلعلي بحاجه جديده
مرة هارد اتحرق مرة شاشه الله اعلم المرة الجايه هتكون ايه
ربنا يستر بقه عشان مرة كمان وهقلبه حصاله او اديه لعمو بتاع الروبابيكيا
بس احب اطمنكم انه حالته دلوقتي جيده احسن من الاول بكتير والحمدلله
------------------------------------------------------
امبارح مصر كلها احتفلت بعيد الام
كل سنة وكل أم طيبه
وكل سنة وانتي طيبه يا مامتي
يارب يخليكي ليا وميحرمنيش منك ابدا
مش عارفه اقول ايه اكتر من كده عشان مش لاقيه كلام يديكي حقك يا مامتي
كل سنة وانتي معايا وجمبي
------------------------------------------------------
مدونتي هتتم سنة
الشهر ده وتحديدا يوم 28 مدونتي هتتم سنة
سنه كاملة عشتها في عالم التدوين
قريت افكار ناس كتير واراء كتير
قد ايه العالم ده جميل
مش هنسى ازاي اتعرفت على عالم التدوين
اتعرفت على العالم ده عن طريق موقع عشرينات مع اني متابعه غير جيده له
وكنت مرة بتصفح الموقع ومن خلاله اتعرفت على مدونة أ/ محمد مفيد
في الصميم
من خلال المدونة دي عرفت عالم التدوين وبدأت اهتم بيه
وبسرعة قررت اني ادخل العالم ده ويكون انا كمان ليا مدونة اعبر فيها عن رأيي اكتب فيها كل حاجه تيجي على بالي
سنة كل يوم مر فيها تقريبا اتعرفت على مدونة جديده .. قريت فكرة جديده
ضحكت مع ناس كتير .. وبكيت مع ناس كتير
كل سنة وانتي طيبه يا مدونتي
10 comments:
كل سنه ومدونتك بخير
ويارب تكوني استفادتي من التدوين واضاف لكي شئ
وشكراً جدا علي ذكرك لي في بوستك
ده شرف كبير
السلام عليكم
واضح ان شهر مارس كله مناسبات حلوه
كل سنه ومامتك طيبه
وكل سنه ومدونتك طيبه
وكل سنه والكمبيوتر بتاعك بخير وصحه
وربنا يوفقك وان شاء الله متغبيش عن مدونتك تاني
كل سنه وانتي طيبه
كل سنة وكل ام طيبة كل سنة ومدونة ضوء القمر طيبة اما عن جهازك مش عارف اقول اية يلا حصل خير انشاء الله
كل سنة وانتى طيبة
حمدلله علي سلامتك
وحشتينا كلنا
و مبروك عيد ميلاد مدونتك و يارب نيجي نهني دايما كل سنه و انتي متألقه
و ربنا يسعدك و ماتغبيش بقه عننا تاني
تحياتي ليكي و حمدلله علي سلامتك مره تانيه
happy new yaer
السلام عليكم
كل سنة وانتى طيبة ومدونتك واسرتك واكيد طبعا جهازك والحمد لله ان الشاشة جت على اد كدة بس وربنا يستر على اجهزتنا ان شاء الله.
على فكرة دى اول مرة ازورك فى مدونتك لكن بجد حلوة اوى وزوقك واحساسك فيها رائع وماتغيبيش تانى عن عالم المدونات والمدونيين
بالتوفيق
كل سنة والمدونة والتدوين بخير
لكي تحياتي
كده مدونتك تمت سنه امبارح
كل سنه وانتي طيبه بكل مناسبه حلوه
Post a Comment