بقالي فترة طويله جدا نفسي اعمل نيو لوك للمدونة
كان نفسي جدا اغير اللون الاسود الكئيب .. قعدت اعدل في الالوان ولون وكده على لون كده وبردو بلاقيه كئيب (الكئيب كئيب بقه هنعمل ايه )..كان قرار صعب اوي اني اعمل النيولوك ده خصوصا واني اخدت على شكل البلوج القديم وخلاص اتعودنا على بعض يعني بس كان حتما ولا بد من التغيير .. واخدت القرااااااار
وعملت النيو لوك وكمان مش من القوالب اللي فارضها علينا بلوجر .. وطبعا بما اني مش خبيرة قعدت ادعبس واقلب والخبط في الاكواد وادور ازاي هعمل ايه من الساعه 3 فجرا لحد قبل شويه من دلوقتي اللي هو الساعه 8:17 صباحا وعنتيني خلاص ضاعوا... المهم اني الحمدلله عرفت احط لينكات للمدونات اللي بزورها وشوية اكواد كده عالماشي واكتشفت اني بقيت خبيرة (مش خبيرة اوي يعني احسن حد ياخد فيا مقلب)وطلعت البلوجايه كما هي ظاهرة امامكم حضرات الزائرين
يارب يكون النيو لوك عجبكم واذا معجبكمش قولولي على طول وانا ارجع اللوك القديم حالا ...اصلي بتلكك
بس كده احلى صح ؟؟ ولا مش صح ؟؟
وحشني اللون الاسود :(
17 comments:
مبروك النيولوك
:)
I passed to congratulate it with its work and to desire a good August to it in vacation.
السلام عليكم
النيو لوك زي العسل والله
مبروك
تحياتي
ألف مبروك على النيو لوك بتاع المدونة وعقبال ما تعملي نيو لوك لحياتك كلها .. كلنا محتاجين نيو لوك بس من جوه أهم
تعرفي انا بجد عاوز اعمل شكل جديد للمدونه بتعتي تمبليت جديد
بس انا معرفش وخايف اجرب المدونه تضيع مني ههههه
بس الشكل ده حلو كتير
اثبتي علي كده
معلهش انا من فتره مزرتكيش
تحياتي لكي
عقبالي يارب عقباااااااااااااااالي
الجميله ضوء القمر
ايه الحلاوه دي؟
بجد النيولووك يجنن
برافو عليكي التجديد حلو برضه صح؟
اثبتي بقه علي اللوك دي
:)))
كدا احلي والله يا قمر بجد
اللون الوردي دا هادي ورايق جدا جدا
بجد تسلم ايدك
ومبروك النيو لوك
بس فين البيبيسي ووالجاتوا عشان الافتتاح؟
ايه الجمال والورد د الف مبروك على النيو لوك
بامانة نيو لوك يستحق التهنئة فعلا جميل والالوان فعلا تليق بضوء القمر مع ان ان اللون القديم كان حلو برضه بس دة احلى
الف مبروك على النيولوك و كد اجمد بكتير من الاول و حلوة اوى الوردة ده من اى محل ورد
النيولوك حلو أوي ياقمر
مبرووك
:)
والله يا جماعه مش عارفه اقلكم ايه رفعتوا من معنوياتي بجد
مبروك مش مهم اللون المهم صاحبة اللون وصاحبة اللون صاحبة بوستات جميلة
جدا
تحياتي
ضووووووووووووووووووووووووووء
مبروك النيوعك...لايق عليكى بجد...
هههههههههه
معلش عالتأخير...بس بجد اكتشفت ان الواحد بيبقى فاضى فى الدراسة اكتر من الاجازة
نيو لوك حلو أوي
أنا حاولت أعمل مثلو بس ما اقدرت بيقولي في خطأ
عالعموم يسعدني أنضم الك كصديق جديد
وبتمنى تخبريني كيف أضيفو واتحكم فيه بنجاح
تحياتي
نيو لوك زي العسل بجد الف مبروك ناوي تابعك كلامك حلو ومن قلبك وبحيي فيكي اهتمامك بال حواليكي ...ربنا يوفقك
Post a Comment